كلنا عارفين الجرافيك ديزاين . بس هل كنت تعرف ان جواه مجالات كتير؟

Apr 16, 2024

مجالات مهمة

كلنا عارفين الجرافيك ديزاين . بس هل كنت تعرف ان جواه مجالات كتير؟

آخر فترة حصل زيادة طلب على مجال تصميم الجرافيك خلال الفترة الأخيرة علشان بقت شغلانة مهمة وأساسية موجودة في كل حاجة، وبقت الشركات دايمًا محتاجة جرافيك ديزاينرز محترفين للنجاح في سوق المنافسة الكبير، بس هل كنت تعرف أن الجرافيك ديزاين ليه مجالات كتير جواه؟ عمومًا لو حابب تتعلمه مهم الأول تعرف ايه هي وتحدد هتبدأ منين بعد كده.

1. تصميم الهويات المرئية (البراندينج):

تصميم العلامة التجارية ده أساس ومفتاح نجاح أي شركة، هي نقطة الوصل بينها وبين جمهورها من العملاء. وبتمثل الهوية التجارية الأفكار والمبادئ والأهداف والخبرات والرسائل النبيلة للشركة.

ومش بتختصر على الشعار أو اللوجو (Logo)، دي بتشمل كل أنواع الماتيريال اللي بتتواصل من خلالها الشركة مع عملائها وتعكس هويّتها، من البروشورات التعريفية إلى الكروت التقديمية ووصول للكتالوجات وحتى الألوان والتصاميم العامّة اللي بتمثّل الشركة.

2. التصميم الدعائي أو التسويقي:

ودي أهم ركن من أركان الماركتينج اللي هتبني عليه كافة أقسام الشركة نجاحها التسويقي، ودي بتشمل أي ديزاين مرئي بينتشر في السوشيال ميديا أو المجلات أو حتى الايميل ماركتينج وكمان لوح الاعلانات في الشارع.

3. تصميم واجهات المستخدم UI:

مهمة مصمم الجرافيك في المجال هو إعداد وتصميم الواجهات اللي بيتفاعل معها المستخدم، اللي هو واجهات المستخدم (User Interface)، في كل أنواع الأجهزة والبرامج والتطبيقات بحيث يؤمن تجربة استخدام مميزة مريحة للعميل.

وبتتضمن العناصر اللي بيشتغل عليها كل اللي ممكن المستخدم يتفاعل معاه بصريًّا، زي الأيقونات والأزرار والقوائم والصور والأشكال التفاعلية، وغيرها من العناصر اللي بتربط المستخدم مع أساس عمل التطبيق أو الجهاز، مع ضمان التوازن بين المؤثرات البصرية السابقة والأمور التقنية والبرمجية للتطبيق أو الجهاز.

وهنا بتشتغل بشكل أساسي على التطبيقات، بما في ذلك تطبيقات الكمبيوتر والموبايلات وتطبيقات الويب، بالإضافة إلى الألعاب.

ف لو أنت بتميل للمجال ده ف ضروري تطوّر مهاراتك في مجال تصميم العناصر المرئية، بالإضافة إلى تعميق معرفتك في مبادئ واجهات تجربة المستخدم وواجهات تفاعل المستخدم UX\UI ويبقى معاك شوية خبرة في أسس ومبادئ تطوير شبكات الويب.

4. تصميم التغليف (الباكجينج):

الباكدجينج أو التغليف للمنتج بيكون نص التجربة تقريبًا للعميل, علشان كده بتخصّص الشركات حيز كبير من اهتمامها في توظيف مصممين محترفين علشان تصميم الغلاف الخارجي والداخلي لمنتجاتها. علشان مهم يكون فيه أفكار إبداعية لجذب انتباه العميل من خلال غلاف المنتج، لأن جودة التغليف بتعكس قيمة البراند بشكل كبير.

هنا بيتطلّب معرفة كويسة بأسس عملية طباعة الأغلفة وإلمام كويس بمبادئ مجال التصميم الصناعي (Industrial Design)، وطبعًا هو بيبقى مرتبط بكذا مجال مثل التصوير الفوتوغرافي للمنتجات وتصميم الديزاين نفسه والريتوتش وغيرها.

5. تصميم الموشن جرافيك (Animation):

الموشن جرافيك هو مجال تصميم العناصر المرئية المتحركة (Animation)، وده ييشمل الأنيميشن والفيديوهات والصور المتحرّكة وغيرها من المواد التي فيها طابع الحركة واللي بتتعرض في التلفزيونات والأفلام وضمن الإنترنت في مختلف المواقع.

وطبعًا تصميم الموشن جرافيك بقى من أهم مجالات التصميم مؤخرًا وبقى فيه طلب بشكل مبالغ فيه على الموشن جرافيك ديزاينر، وده بعد انتشار ثقافة الفيديوهات والمواد التصويرية المتحركة (الأنيميشن) سواءً في عالمنا العربي أو على مستوى العالم كلّه.

ف بعد ما عرفت المجالات ايه، حدد هدفك واستنى البوست اللي جاي هنقولك تبدأ منين.