بعد ما حوشت فلوس اللاب توب وجبته سواء كنت هتستخدمه في شغل أو دراسة أو حتي جيمينج، هنقولك نصائح للحفاظ علي اللابتوب لأطول فترة ممكنة لأن أكيد لما بتشتري لابتوب جديد بتبقي خايف عليه في ظل الاسعار الموجودة حالياً بدون مشاكل على قد ما تقدر 

أختيار المعالج وكارت الشاشة المناسبين : 

مهم أنك تحدد اختيارك ليهم بشكل يناسب شغلك أو دراستك، بحيث أنك متجيبش حاجة أعلي من المطلوبة وتبقي دفعت فلوس زيادة، أو أنك تجيب مواصفات أقل من المطلوبة وده هيكون مشكلة كبيرة جداً ليك وهيكون ضغط كبير علي الجهاز وهيسببلك مشاكل كتير جداً بعد كده فدي أهم نقطة لازم نركز عليها لأننا ممكن نتجنب مشاكل كتير بمجرد أنك تختار صح

 مساحة تخزين كبيرة: مهم جداً أن اللاب اللى هنشتريه يكون بمساحة

تنظيف الجهاز باستمرار :

طبعاً نظافة الجهاز من أهم الأسباب اللي بتساعد على أدائه وعلى تجنب مشاكل كتير ممكن تظهر لأن التراب بقى زيادة علي الجهاز، فلازم جداً تنظف الجهاز كل فترة، ويفضل لو توديه أي مركز صيانة كل فترة علشان ينضفوه بشكل كويس

قفل الجهاز من زرار الباور :

متقفلش الجهاز من زرار الباور كنوع من الاستسهال، دي كارثة كبيرة و بعيدًا عن أنها بتسبب مشاكل كتير وتلف في ملفات الويندوز ده بيأثر علي كل القطع اللي جوا الجهاز وبالذات البطارية فمهما حصل بلاش تقفله بالطريقة دي وإذا كنت بتستخدمه بدون بطارية فخلي الفيشة بعيد عن الاطفال.

استخدام البرامج المناسبة :

في برامج كتير بالذات المجانية اللي بتخليك تتابع حالة جهازك وبالذات درجة حرارته فحاول تستخدم البرامج المناسب ليك أكتر وبلاش تسطب برامج كتير علي الجهاز ممكن متستخدمهاش لأنك كده بتضر الجهاز فتابع حالة جهازك وحالة كل قطعة وبالذات الهارد ديسك ويُفضل أنك لو في الصيف تستخدم الجهاز في اوضة فيها تكييف علشان ميسخنش أو حاول تستخدمه لفترات أقل علشان درجة الحرارة العالية بتقلل العمر الافتراضي للقطع الموجودة في الجهاز

قبل أي شئ طبعًا لازم تكون مختار لاب مناسب جداً ليك من شركة مشهورة وتكون واثق من امكانياته و كمان أهم شئ أنه يكون متوافق مع شغلك أو استخدامك ليه وكمان تأخد بالك كويس من خامة تصنيعه ومن مواصفاته الداخلية وتتأكد أن المواصفات مناسبة ليك ومش هيكون شغلك حمل أو زيادة عن الامكانيات اللي مختارها

تخزين كبيرة علشان تقدر تقسم الهارد براحتك وكمان البارتيشن الخاص بالويندوز تكون مساحته كبيرة وميتمليش بسرعة ويسببلك مشاكل في الجهاز بعد كده فلازم يكون من البداية الهارد ديسك مساحته كبيرة، ويُفضل شراء هارد ديسك SSD بيديك مساحة تخزين وبيسرع الجهاز.

اشتري هارد ديسك خارجي: مهم أنك تشتري هارد خارجي ده يعتبر حاجة مهمة لو كنت بتشتغل علي الجهاز وخايف علي الداتا بتاعة شغلك أنه يحصله حاجة فبتخليه زي backup احتياطي، علشان فيه حالة جهازك دخله فيروس وحذفلك كل الملفات المهمة الخاصة بيك.